кальчуга

Мела выгляд кашулі з доўгімі ці кароткімі рукавамі, маса 5-7 кг. Вынайдзена прыкладна ў 5 ст. да н.э. кельтамі (галамі), хутка пашырылася на Ўсходнюю і Заходнюю Еўропы, у Азіі. На Беларусі выкарыстоўвалася ў 10-18 ст. Цэлая кальчуга знойдзена на гарадзішчы Оршы (захоўваецца ў Дзяржаўным гістарычным музеі ў Маскве), абрыўкі кальчужнага палатна - пры археалагічных раскопках Брэста, Гродна, Навагрудка, Полацка, Слуцка і інш. Некалькі кальчуг 17 ст. з двайным пляценнем зберагаюцца ў Віцебскім абласным краязнаўчым музеі. [1]