Туфлі летнія карычневага колеру на падэшве "танкетка". Пярэдняя частка туфляў упрыгожана машынным радком у два шэрагі. Задняя частка завышана, уверсе прасунуты вузкі раменьчык, які зашпіляецца спражкай з белага металу.
Абцас вышынёй 8,5 см і ніз пераду туфляў абцягнуты тканінай, падобнай на мешкавіну. На падэшве наклеена чорная гума. Пакупка туфляў адбылася ў горадзе Батумі Грузінскай ССР. Першая палова 80-х гадоў.
Туфлі жаночыя. Пашыты са скуры чырвона-карычневага колеру. Закрытыя. Падэшва патоўшчаная (0,8 см), абцас 8,5 см, шырыня каля 3 см. Нос вузкі. Зашпіляюцца раменьчыкамі з дзвюма маленькімі спражкамі. 80-я гады.
Туфлі на высокім абцасе светла-карычневага колеру з чырванаватым адценнем. Абцас вышынёй 9,5 см і шырынёй 2,3x2,7 см, абцягнуты скурай і падбіты чорнай гумай. Зроблена ў Венгрыі. Пакупка туфляў адбылася ў магазіне горада Салігорска ў 80-я гады.
Басаножкі з драўлянай падэшвай на абцасе ("калодкі"). Падэшва вытачана з кавалка дрэва і пакрыта празрыстым лакам, абцас вышынёй 11,5 см, таўшчыня падэшвы ад 3 да 4 см.
Для памяншэння грукату на падэшве падбіта чорная гума. Верх басаножак - фігурна выразаныя палоскі з белай скуры, спераду пераплеценыя, прыбіты да падэшвы мэблевымі металічнымі цвічкамі. Зроблена ў салігорскай доме быту. Пачатак 80-х гадоў
Туфлі жаночыя, летнія, на абцасе, абцягнутыя скурай, вышынёй 9,5 см. Перад суцэльнай, вузкі нос.
Зроблена на Баранавіцкай абутковай фабрыцы. 80-я гады.
Туфлі жаночыя з зялёнай замшы з лакіраванымі ўстаўкамі, на абцасе. Маюць закруглены насок сярэдняй шырыні, які абцягнуты лакіраванай скурай зялёнага колеру. Абцас вышынёй 7 см, шырыня 3,2 х 2,4 см, аснова абцаса мае форму пяцікутніка. Абцас абцягнуты лакаванай скурай. 80-я гады.
Туфлі жаночыя, летнія са скуры бэжавага колеру на падэшве "танкетка". Абцас вышынёй 7,5 см, абцягнуты тканню, падобнай на шчыльную мешкавіну. Зроблена ў Югаславіі. 80-я гады.
Басаножкі жаночыя светла-шэрага колеру на абцасе. Абцас прамы, паўкруглы, вышынёй 7 см, абцягнуты скурай.
Зроблена на мінскай абутковай фабрыцы "Прамень". 80-я гады.
Басаножкі жаночыя лакіраваныя, жоўтага колеру, на тоўстай падэшве (3-4 см).
Верхні край падэшвы мае цяснёны узор. 80-я гады.
Басаножкі жаночыя на абцасе, белыя. Абцас вышынёй 7,5 см, абцягнуты скурай, паўкруглы. Падэшва са скуразамяняльніка. Паміж ёй і сцелькай мацуюцца белыя вузкія раменьчыкі (5 штук). Памер 23 1/2. Зроблена ў Польскай Народнай Рэспубліцы. 80-я гады.
Туфлі на высокім абцасе, чырвона-карычневага колеру. Перад суцэльны, упрыгожаны падвойным машынным радком. На задніку прышыты уверсе вузкі раменьчык з металічнай спражкай. Вышыня абцаса - 11 см, шырыня - 1,7 х 2 см, абцягнуты скурай. 26 памер. Зроблена ў Баранавічах. 80-я гады.
Басаножкі. Падэшва (вышыня 0,8-1 см) у маналіце з абцасам (вышыня 10,5 см) з пластмасы карычневага колеру. Набіванкі металічныя. Верх з белай лакіраванай кляёнкі з перфарацыяй у выглядзе кветак. 36 памер. 80-я гады.
Боты жаночыя дэмісезонныя бардовага колеру. Абцас вышынёй 8 см, абцягнуты скурай. Халявы высокія, да каленаў, насы тупыя. Збоку на халявах для ўпрыгожвання ўстаўлены пяць аранжавых палосак. Пачатак 80-х гадоў.
