У намінацыі "Модная вячэрняя прычоска Evening Style" сярод юніёраў перамагла Аляксандра Пятрэнка (салон "Гісторыя прыгажосці", Мінск). Другое месца ў Алесі Назаравай з Брэста, трэцяе месца заваявала Ірына Растаргуева (Мінск).
Сярод дарослых "золата" заваявала Таццяна Лагіновіч (ВЦ С.Вайцяхоўскага), "срэбра" — гамяльчанка Алена Шмакова і "бронзу" — Алена Мельнік з Бабруйска. З адрывам у адзін бал чацвёртае месца заняла Валянціна Семянюк з Высокага Брэсцкай вобласці.
Працы майстроў цырульніцкага мастацтва ацэньвала журы ў складзе: Наталля Ходанава (старшыня), Лілія Максімік, Наталля Жалязніцкая і Міхаіл Мікуліч.
