Сімвалам конкурсу сёлета стала старажытнае свята Купалле.
Фінальнае шоу "Міс Мінск 2013" складалася з разнастайных дэфіле канкурсантак: у сукенках, стылізаваных пад народныя матывы, у вясельных і вячэрніх уборах, у купальніках.
на фота: "Міс Фота" Вольга Кабакова
на фота: Вольга Кісялёва
на фота: Фларэнціна Крачун
Таксама ў рамках конкурсу сталічныя прыгажуні адказвалі на пытанні вядучых вечара — Антона Мартыненкі, Ірыны Ханунік-Рамбальскай і Ганны Бонд.
на фота: вядучыя "Міс Мінск 2013": (злева направа) Ірына Ханунік-Ромбальская, Антон Мартыненка і Ганна Бонд
Традыцыйна, у фінале конкурсу прыгажосці публіку забаўлялі і музычныя выканаўцы.
на фота: Аляксандр Ціхановіч
Пераможцай Пятага гарадскога конкурсу "Міс Мінск 2013" стала 21-гадовая студэнтка Беларускага дзяржаўнага эканамічнага ўніверсітэта Яна Канцавенка. Дзяўчына вучыцца ў Вышэйшай школе турызму і асвойвае спецыяльнасць "Эканоміка і кіраванне гасцініцамі і рэстаранамі". Рост Яны — 177 см, вага — 54 кг, мадэльныя параметры — 85-62-92. У якасці галоўнага прыза Яна Канцавенка атрымала 30 мільёнаў беларускіх рублёў.
на фота: Яна Канцавенка
Карону пераможніцы перадала ўладальніца тытула "Міс Мінск 2011" Ульяна Валахоўская.
на фота: Ульяна Валахоўская
Першай Віцэ-міс стала 18-гадовая студэнтка БДУ (будучы праграміст) Кацярына Скалабан. Рост дзяўчыны — 176 см, вага — 51 кг, мадэльныя параметры — 85-61-91.
на фота: Кацярына Скалабан
Тытул Другой Віцэ-міс дастаўся 23-гадовай Наталлі Башуры. Дзяўчына асвойвае банкаўскую справу ў БНТУ і працуе бухгалтарам. Рост Наталлі — 170 см, вага — 50 кг, мадэльныя параметры — 82-64-90.
на фота: Наталля Башура
Тытул "Міс Прэса" заваявала 20-гадовая артыстка балета Белдзяржцырка Вераніка Касперава, "Міс Фота" — 24-гадовая Вольга Кабакова, "Міс Сяброўства" — 25-гадовая Кацярына Войтус, "Міс Купалінка" — 22-гадовая Паліна Батракова.
на фота: "Міс Фота" Вольга Кабакова
на фота: "Міс Сяброўства" Кацярына Войтус
на фота: Вераніка Касперава
на фота: Паліна Батракова
"Міс Глядацкіх сімпатый" стала вядомая двума днямі раней. Па выніках галасавання ў прамым эфіры тэлеканала СТБ гэта ганаровае званне дасталася Марыі Смаргун.
на фота: "Міс Глядацкіх сімпатый" Марыя Смаргун, (справа - Таццяна Давыдзенка)
У ТОП-15 таксама ўвайшлі: Крысціна Іллюк, Фларэнціна Крачун, Дар'я Хадановіч, Анастасія Сакалоўская, Анастасія Капусціна, Святлана Мінальд і Таццяна Сяргіевіч.
На прэс-канферэнцыі, якая адбылася па завяршэнні фінальнага шоу, Яна Канцавенка падзякавала сваёй маме за тое, што яна адправіла яе на кастынг і ўвесь час падтрымлівала падчас ўсяго конкурсу.
Тэлеверсію шоу можна будзе паглядзець 6 ліпеня на тэлеканале СТБ.
