Праект "FotoART 2013", арганізатарамі якога выступаюць Цэнтр моды і прыгажосці "Крыштальная Німфа", ТАА "Адкрыты подыум" і РГА "Беларуская палата моды", ужо чацвёрты па ліку. На розных этапах конкурсу выбіраюцца 12 фатографаў і 3 мадэлі. Разам яны ўдзельнічаюць у стварэнні 36-ці модных фатаграфій. Плануецца, што фотасесіі пройдуць у жніўні ў розных кутках Беларусі.
У конкурсе "Фотамадэль", які з'яўляецца адным з этапаў праекта "FotoART 2013", прынялі ўдзел дзесяць дзяўчат: Алена Вялічка (№1), Вераніка Чачына (№2), Алеся Ксяндзова (№3), Алена Шумейка (№4), Кансуэла Кавалёва (№5), Кацярына Кулікова (№6), Таццяна Сабалеўская (№7), Маргарыта Букшта (№8), Мілана Хромава (№9) і Анастасія Кузняцова (№10).
Конкурсная праграма ў Гомеле складалася з чатырох дэфіле, на якіх былі прадстаўлены калекцыя жаночага адзення беларускага дызайнера Мікалая Шчадзько, калекцыя ніжняй бялізны Milavitsa (фотарэпартаж з паказу), жаночая і мужчынская лініі Carrera Jeans, а таксама калекцыя адзення O.Jen.
на фота: Вераніка Чачына
на фота: (злева направа) Таццяна Сабалеўская, Маргарыта Букшта і Мілана Хромава
У перапынках паміж паказамі выступілі артысты: выканаўцы лацінаамерыканскага танца Стас і Марыя, студыя сучаснага танца "Леджы", спявачка Яўгенія Таўкачова і ўдзельніца музычнага праекта тэлеканала АНТ "Акадэмія талентаў-2" Анастасія Жураўлёва.
на фота: выступленне студыі сучаснага танца "Леджы"
Па рашэнню журы, у складзе якога былі фатографы з Мінска, Гомеля, Віцебску, у конкурсе "Фотамадэль" перамаглі Вераніка Чачына, Кацярына Кулікова і ўладальніца тытула "Прыгажуня Палесся 2013" Маргарыта Букшта.
