"Тое, што нам падыходзіць" — з такім слоганам стартавала новая іміджавая рэкламная кампанія брэнда моднага адзення COLIN’S, тварам якой стала "Міс Расія 2013" Эльміра Абдразакава. У сакавіку 2014 года Эльміра перадала карону новай пераможніцы — Юліі Аліпавай, і цяпер працуе мадэллю.
Эльміра Абдразакава пра ўдзел у здымках для брэнда COLIN’S: "Я правяла незабыўны час на здымках у Турцыі і вельмі палюбіла як брэнд, так і ўсю міжнародную каманду COLIN’S. Для мяне гэта была не проста праца ў якасці мадэлі, а неацэнны досвед і мноства дадатных эмоцый".
Здымкі праходзілі ў месцы, дзе сустракаюцца два кантынента — горадзе кантрастаў Стамбуле. Партнёрам Эльміры стаў папулярны турэцкі спявак Мурат Боз.
Галоўнай ідэяй і тэмай усёй рэкламнай кампаніі стала гісторыя пра выпадковую сустрэчу двух маладых людзей у аэрапорце і працяг гэтай любоўнай гісторыі ў стылі рамантычнай камедыі становішчаў.
на фота: Эльміра Абдразакава
Стваральнікам рэкламнага фільма стаў вядомы турэцкі рэжысёр Азёр Фейзіёглу. Аўтар іміджавай фотасесіі – еўрапейскі фатограф Піліп Мюлер, які мае вялікае партфоліё работ для глянцавай прэсы, а таксама рэкламнай і партрэтнай здымкі. У аб'ектыве яго фотакамеры былі Kim Wilde, Roger Federer, Anna Calvi, The Vaccines, David Garret, Mario Gomez і іншыя зоркі кіно, музыкі і спорту.