Тэлеканал АНТ, пры падтрымцы прадзюсерскага цэнтра "ГУЛЬНЯ-ТБ", прадстаўляе зімовую серыю гульняў беларускага тэлевізійнага клуба "Што? Дзе? Калі?". Усе выйграныя падчас гульні грошы будуць накіраваны ў Івацэвіцкі дзіцячы дом.
Кампанію Вадзіму Галыгіну у дабрачыннай гульні складуць: беларускі мастак і дызайнер Уладзімір Цэслер, заслужаны артыст Рэспублікі Беларусь Уладзімір Громаў, музычны прадзюсер Уладзімір Кубышкін, тэлевядучы Дзяніс Кур'ян і спявачка Іскуі Абалян.
Нягледзячы на "зорны" састаў, гуляць каманда будзе па-сапраўднаму. Адзінае адрозненне ў тым, што пытанні для гульні падрыхтавалі не тэлегледачы, а знатакі.
на фота: (злева направа) Уладзімір Цэслер, Уладзімір Кубышкін, Уладзімір Громаў, Дзяніс Кур'ян, Іскуі Абалян
Выступленне зорнай каманды пад кіраўніцтвам Вадзіма Галыгіна тэлегледачы змогуць убачыць 13 снежня на тэлеканале АНТ.
