У сувязі з нестабільнай сітуацыяй у краіне Нацыянальны камітэт "Міс Украіна Сусвет" прыняў рашэнне пра змену звыклага фармату правядзення конкурсу: сёлета ён праходзіў у ан-лайн рэжыме. Для максімальна аб'ектыўнага галасавання выбар пераможніцы ажыццяўляўся ў некалькі этапаў міжнародным журы, у склад якога ўвайшлі эксперты са сферы fashion- і конкурснай індустрыі.
Прызавыя месцы размеркаваліся наступным чынам: V-я Віцэ-міс — Валерыя Панчанка (24 гады, Вінніца); IV-я Віцэ-міс — Кацярына Майіла (25 гадоў, Кіеў); III-я Віцэ-міс — Наталля Варчанка (25 гадоў, Стаханаў, Луганская вобласць); II-я Віцэ-міс — Яна Брыліцкая (22 гады, Кіеў); I-я Віцэ-міс — Алеся Праўнік (26 гадоў, Роўна).
Уладальніцай звання "Міс Украіна Сусвет 2015" стала 26-гадовая кіяўлянка Ганна Вяргельская. Рост дзяўчыны — 174 см, мадэльныя параметры — 90/60/92 см.
на фота: Ганна Вяргельская
Апроч прэстыжнага тытула і дыяментавай кароны Ганне Вяргельскай дасталася місія прадстаўляць краіну на міжнародным конкурсе прыгажосці "Міс Сусвет 2015", фінал якога адбудзецца 20 снежня 2015 года ў ЗША. Карону тытулаванай прыгажуні перадалі пераможніца "Міс Украіна Сусвет 2014" Ганна Андрэс і 2-я Віцэ-міс конкурсу "Міс Украіна Сусвет 2014" Дзіяна Гаркуша.
